Ganyan Ba Talaga Ka Sakit?

“Masakit ang umibig sa maling pagkakataon, maling lugar at sa maling tao”

Ito ang madalas na naririnig natin sa mga taong nakaranas na ng kasawian sa pag-ibig. Ganyan ba talaga ang pag-ibig? Ganun ba sya ka makapangyarihan na pwede nyang gawing masama ang isang tao? Na pwde nyang mabago ang buhay at pagkatao ng isang umiibig?

Katulad mo at katulad ng ibang tao, ako rin ay dumaan sa ganitong pagsubok; ang UMIBIG. Pagsubok na minsan ng sumubok sa katatagan ko bilang isang lalaki, propesyonal, kapatid at anak. Tama nga ang sinasabi nila na ang pag-ibig ay pwdeng magbago ng isang buhay. Pwde nitong imanipulate ang utak mo. Kaya nitong diktahan ang isip mo. Kaya nitong lamunin ang iyong pagmamahal sa iyong pamilya. Kaya nitong sakupin ang iyong buong pagkatao. Pwde rin itong makasira ng buhay ng iba. Makapagbigay ng malaking problema. Para itong virus na unti-unting kumakain ng iyong laman at pumapasok sa iyong mga ugat at sumasabay sa daloy ng iyong dugo hanggang sa hindi mo na makontrol… hanggang sa ito’y lumabas sa iyong katawan at naghasik ng lagim sa mga tao na nasa iyong paligid. Ganyan ka makapangyarihan ang pag-ibig. Nakakabaliw!Nakakainis!Nakakapanlumo!Nakakasira! Nakakatakot! Ang maling pag-ibig!

Pero bakit mayroong mga taong hindi takot magmahal? Ito ba ang sinasabi nila na “hahamakin man ang lahat masunod ka lamang”? Kahit alam mong nakakasakit ka na? Kahit alam mong mali? Bakit?

Do I sound bitter? Napapansin nyo ba? Oo naiinis ako! Nasusuka ako! Nanlulumo ako sa salitang pag-ibig. Bakit pa may-ibig kung marami lang pala ang masasaktan? Bakit kailangan pa nitong mag-exist kung makakapagdala lang pala sya ng kasawian sa mga inosenteng tao? Bakit?

Ganyan ba kasakit? Ganyan ba kasakit ang pag-ibig?

Ang sagot ko…………… OO, may angal ka?

Sigbin

Naniniwala ba kayo sa sigbin?

Habang papunta ako ng opisina kanina ay may nakasabay ako sa jeep na isang ale. Napakadaldal nya na animo’y lahat ng nakasakay ay kilala nya. Nakikinig lang ako sa mga kwento nya hanggang sa dumating sya sa topic na about SIGBIN. Dahil sa interesado ako sa sasabihin nya eh pinahaba ko ang aking mga tainga para lalo kong marinig ang kanyang putak. At yon nga eh dinig na dinig ko ang kanyang pag-iingay na ikinasakit ng kawawa kong tainga.. Eh sa feel na feel ng ale na magkwento na feeling nya eh nasa loob sya ng room at sya ang nagmamagandang guro at kami naman ang kanyang mga kinawawang estudyante. At para mas maintidihan nyo kung bakit ko talaga inilagay yan dito eh, buksan nyo ang mga baba nyo, isara ang ilong nyo at sumigaw ng SIGBInnnnnnnnnnnnnnnnnnnnnnnnnnnnn… Hhehehehe

Here we are…

Ayon sa ale ay nakakita na daw sya ng sigbin na ayon sa kanya sa ingles ay kangaro. Kamusta naman yun? Ito daw ay isang uri ng hayop na kung lumakad ay nakatalikod. Nakakatakot daw ito na kapag nakagat ka ay magdasal ka na lang dahil sampung minuto lang ang itatagal mo, matitigok ka na.. Kasama na daw dyan dapat sa sampung minuto ang paghingi mo ng tawad sa mga kasalanan mo at ang pagbigay ng mga ari-arian mo sa mga walang kwentang kamag-anak mo.

Noong 19forgotten pa daw nangyari ang kwentong ito. Noon daw ay may nag-alok sa kanila (kasama nya daw ay mga teacher at pricipal) ng P1M para hanapin ang sigbin na inaalagaan ng isnag widowed man. Take note, very informative ang ale dahil sabi nya pa na ang sigbin daw ay gamot sa AIDS. Tatadtarin daw ito ng pinong-pino na kasing pino ng kutis ko (char!) at ihahalo sa mga gamot. Katulad daw ng characteristics na meron ang sigbin na mawawala ng bigla na parang bola, ay ganun din daw ang mangyayari sa may mga AIDS.. Hindi po sila mismo ang mawawala, kundi ang sakit lang nila ha. Ahmmmn, pwde?

Through the hepl daw ng Rural Bank na naging financer daw nila na syang gumastos sa kanyang mga lakad sa paghahanap ng sigbin ay nakarating sya (kasama ang kanyang pamangkin) sa lalawigan ng Dumaguete at Dipolog. Di kalaunan ay nakita nya din ang mamang nag-aalaga ng sigbin. Sabi daw ng mama eh 12 midnight daw lumalabas ang sigbin dahil ito ay nagugutom at kailangan nyang pakainin. Sa kagustuhan ni ale na makita ang sigbin ay sumabay sya sa mama sa pagpakain dala-dala ang isang kamera. Di naman nabigo si ale at nakita nya ang sigbin. To have a proof eh kukunan nya sana ng picture ang sigbin pero dahil sa sobrang takot ng lumapit ito sa kanya ay naitapon nya ang kanyang kamera at umaripas ng takbo hanggang sa nahulog sya sa bangin na ikinasira ng kanyang mukha. (kawawa naman!)

Kayo na bahala if maniwala kayo sa ale o hindi. Basta ako, I’m happy kasi medyo dumarami na ang mga bumibisita sa tahanan kong ito… Thank you very much po.. Mabuhay tayong lahat..